Ֆրանսիայի նախկին նախագահ Ժակ Շիրակի կին Բերնադետը եղնիկի մասնակցությամբ վթարի է ենթարկվել:
Վթարը տեղի է ունեցել հուլիսի 2-ին Տյուլ քաղաքի մայրուղու 50-րդ կմ-ում: Եղնիկը հանկարծակի հայտնվել է ճանապարհին: Շիրակ ընտանիքի թիկնազորի մեքենան վարող աշխատակիցը չի կարողացել խուսափել բախումից, գրում է «Ռոսբալտը»` վկայակոչելով Parisien-ը:
Բերնադետ Շիրակը վթարից չի տուժել, բայց մեքենան լուրջ վնասվել է: Եղնիկի դրության մասին տեղեկություն չկա:
Նշվում է, որ մեքենան ստիպված են եղել փոխարինել մեկ ուրիշով, որը Կորեզ դեպարտամենտից հատուկ ուղարկվել է նախկին նախագահի կնոջ հետեւից: Կես ժամ անց Բերնադետը տանն է եղել:
