Լեռնային Ղարաբաղի եւ Հայաստանի առողջապահության նախարարությունների համագործակցության շրջանակներում Ստեփանակերտում է գտնվում բժիշկ-համաճարակաբանների խումբը:
Նրանք ժամանել են իրենց փորձը փոխանցելու տեղական բժիշկներին՝ «խոզի գրիպի» դեմ պայքարում: Հայաստանյան մասնագետները ծանոթացել են ԼՂՀ բուժհաստատությունների տեխնիկական հագեցվածությանը, դեղամիջոցների առկայությանը: Նրանք նշել են, որ ԼՂՀ-ում անցկացվող պորֆիլակտիկ միջոցառումները թույլ են տալիս արդյունավետ դիմագրավել գրիպի համաճարակին, եւ բնակչությունը հիմքեր չունի խուճապի մատնվելու: Արձանագրվել է, որ տեղական բժիշկները տիրապետում են բժշկության նորագույն մեթոդներին:
Այսօրվա դրությամբ ԼՂՀ-ում, բացի ավելի վաղ արձանագրված «խոզի գրիպի» 4 դեպքերից, նոր լաբորատոր հաստատված դեպքեր չկան: Ամեն օր բնակչության շրջանում իրականացվում են սանիտարա-լուսավորչական աշխատանքներ:
