Երեկ` օգոստոսի 10-ին ավարտվեց սեպտեմբերի 9-ին կայանալիք ՏԻՄ ընտրություններում թեկնածուների առաջադրման վերջնաժամկետը:
ԿԸՀ պաշտոնական կայքի փոխանցմամբ, Արմավիրի մարզի Մեծամոր համայնքում առաջադրվել է քաղաքապետի 4 թեկնածու: Գործող քաղաքապետ, հանրապետական Ռոբերտ Գրիգորյանի հետ քաղաքապետի պաշտոնի համար կմրցեն անկուսակցականներ Աշոտ Գրիգորյանը, Սարգիս Հարությունյանը եւ Ասյա Առաքելյանը:
Էջմիածնում առաջադրվել են երկու անկուսակցականներ` գործող քաղաքապետ Կարեն Գրիգորյանը եւ «Գործիք» ՍՊԸ-ի աշխատակազմի ղեկավար Արմինե Հովհաննիսյանը:
Ինքնաբացարկի մասին դիմումները թեկնածուները կարող են ներկայացնել մինչեւ օգոստոսի 30-ը: Իսկ ընտրությունները կայանալու են սեպտեմբերի 9-ին:
