Հայաստանում վերջին մեկ ամսում «խոզագրիպի» նոր դեպքեր չեն գրանցվել:
Հունվարի 13-ի դրությամբ՝ արձանագրվել էր A/H1N1 վարակի լաբորատոր հաստատված 119 դեպք, եւ այդ թիվը չի փոխվել:
Այդ մասին NEWS.am-ի թղթակցին հայտնեց առողջապահության նախարարի օգնական Շուշան Հունանյանը: Վերջին հայտնեց, որ հանրապետությունում շարունակվում է սուր շնչառական վիրուսային հիվանդությունների օրական մոնիթորինգը, ըստ որի՝ հիվանդացությունը շեշտակի նվազել է: Նվազել են նաեւ շտապ օգնության, պոլիկլինիկաներ դիմելու կանչերը:
Հիշեցնենք, որ Հայաստանում «խոզի գրիպով» վարակվածների թիվը եղել է 119, որից 3-ը՝ մահվան ելքով: Հիվանդանոցում «խոզի գրիպից» մահացել էին 3 հոգի՝ հղի մի կին, տարեց մի կին եւ 28-ամյա մի երիտասարդ: