Իսրայելը պաշտոնապես Նուրհան Մանուկյանին ճանաչել է որպես Երուսաղեմի հայոց պատրիարք:
Իսրայելի ՆԳ նախարար Գիդեոն Սաարը հուլիսի 23-ին ընդունել է պատրիարք Նուրհան Մանուկյանին: Հանդիպմանը ներկա էին նաեւ արքեպիսկոպոս Սեւան Ղարիբյանն ու հայր Գուսան Ալջանյանը:
Հանդիպման ընթացքում նախարարը Մանուկյանին է հանձնել նամակ, որում ասվում է, որ Իսրայելի կառավարությունը պաշտոնապես ճանաչում է նրան որպես Երուսաղեմի հայ պատրիարք, փոխանցում է պատրիարքարանի պաշտոնական կայքը:
Հիշեցնենք, որ Պատրիարքի գահը Հայկական Սուրբ Առաքելական եկեղեցու հիերարխիական գահերից է: Երուսաղեմի նախկին Պատրիարք արքեպիսկոպոս Թորգոմ Մանուկյանը մահացել է 2012 թվականի հոկտեմբերի 12-ին, 93 տարեկան հասակում, տեւական հիվանդությունից: