Lexus ընկերությունում քննարկում են փոքր ամենագնացի ստեղծման հնարավորությունը, որը NX քրոսովերի մոդելային շարքում կլինի: Այս մասին հայտնել է ընկերության եվրոպական ստորաբաժանման ղեկավար Ալեն Յութենհովենը:
Յութենհովենը նաեւ հայտնել է, որ ֆլագմանական LS սեդանին քառացիլինդր շարժիչների տեղադրման հեռանկար չի տեսնում: Ավելի շուտ, մինչեւ 2020թ. մոդելը կարող է ուժային սարքավորում ստանալ վառելիքային բջիջներում:
Ըստ Յութենհովենի` նման ամենագնացը կարող է լավ ընդունելություն գտնել ճապոնացի, չինացի եւ եվրոպացի հաճախորդների շրջանում:
Թոփ մենեջերը նաեւ նշել է, որ Եվրոպայում վաճառվող մեքենաների 60%-ը արժե 40 հազար եվրո: Փոքր քրոսովերը կարող է ընդլայնել ապրանքանիշի մոդելային շարքը եւ նոր հաճախորդներ գրավել, փոխանցում է Motor կայքը:
Lexus –ը NX կոմպակտ ամենագնացը ներկայացրել էր ապրիլին` Պեկինի ավտոսրահում:
