Իռլանդացի անչափահասները մինչեւ 18 տարեկան չեն կարող այցելել սոլյարի: Առողջապահության նախարար Լեո Վարադկարը հայտարարել է, որ արգելող միջոցառումները ուղղված են մաշկի քաղցկեղի կանխմանն ու երիտասարդ սերունդների առողջության պահպանությանը:
Համաձայն նոր օրենքի, սոլյարիների սեփականատերերը վարչական պատասխանատվություն կկրեն անչափահասներին նման ծառայություններ մատուցելու համար, հաղորդում է «ԻՏԱՌ-ՏԱՍՍ»-ը:
Եթե հաճախորդի տարիքը կասկած է հարուցում, ապա սրահում կստուգվեն այցելուների անձը հաստատող փաստաթղթերը: Բացի այդ, հաստատությունների սեփականատերերը հաճախորդներին ամբողջական տեղեկատվություն պետք է հաղորդեն ուլտրամանուշակագույն ճառագայթների հնարավոր վնասների մասին:
«Մաշկի քաղցկեղը Իռլանդիայում օնկոլոգիական հիվանդությունների թվով առաջին տեղում է», - նշել է նախարարը: Նրա խոսքով՝ յուրաքանչյուր 850-րդ այցելուի մոտ ախտորոշվում է մելանոցիտների չարորակ ուռուցք:
«Ընդ որում, հիվանդների 17%-ը մահանում է», - փաստել է Վարադկարը:
«Տվյալ արգելքը բոլոր խնդիրները չի լուծի, սակայն մենք կարող ենք հասնել մեր առջեւ դրված նպատակներին՝ բարձրացնելով բնակչության տեղեկացվածությունը տվյալ հիվանդության մասին», - նշել է նախարար:
Քաղցկեղի իռլանդական ազգային ընկերակցությունում ողջունել են տվյալ որոշումը՝ ընդգծելով, որ հաճախ արհեստական արեւայրուքը «նույնքան վտանգավոր է, որքան ծխելը»: Փորձագետները 2020թ գուշակում են մելանոմայով տառապողների թվի կրկնակի աճ: