Անբարեխիղճ տուրիստական ընկերություններին պետք է ոստիկանություն հանձնել: Այս մասին հուլիսի 22-ին կայացած ասուլիսում հայտարարեց «ILL» ընկերության իրավաբան Նարինե Բաբայանը: Նրա խոսքով, եթե տուրիստական ընկերությունն ապրանքը գովազդում է մի գնով, բայց բոլորովին այլ հաշիվ է ներկայացնում, այդ հաշիվը որպես ապացույց կարելի է համարձակ կերպով ներկայացնել Ոստիկանություն, քանի որ սպառողին մոլորեցնելը պատժվում է օրենքով:
«Հարցը կարգավորվում է «Գովազդի մասին» օրենքով, ինչպես նաեւ քաղաքացիական եւ քրեական օրենսգրքերով»,- պարզաբանեց իրավաբանը: Նրա խոսքով, եթե սպառողը զգում է, որ տուրիստական ընկերությունը ցանկանում է իրեն փաստի առջեւ կանգնեցնել եւ օգտվում է վեճի մեջ չմտնելու իր ցանկությունից, ճիշտ կլինի հարցը լուծել իրավական ճանապարհով, իսկ անբարեխիղճ ընկերությունների համար այդ ապագայում դաս կլինի: