Իրանցի պրոդյուսեր Ռասուլ Լոտֆին ծրագրում է հեռուստասերիալ նկարահանել, որի հիմքում Իրանի միջուկային օբյեկտների վրա կիբեր-հարձակման պատմությունն է: Իրանական «Tehran Times» պարբերականը գրում է, որ 13 մասից բաղկացած հեռուստասերիալն իրական իրադարձությունների վերարտադրությունն է լինելու եւ գրվելու է սցենարիստի կողմից: Հատվածների մի մասը ծրագրվում է նկարահանել երկրից դուրս, ենթադրաբար՝ Հայաստանում:
«Կարմիր պատուհաններ» անվանումով հեռուստասերիալը հիմնված է լինելու «Stuxnet» վիրուսի տարածման պատմության վրա, որը, տեղեկությունների համաձայն, մշակվել է ԱՄՆ-ում եւ Իսրայելում՝ Իրանի միջուկային ծրագրերի որոշ տարրեր սաբոտաժի ենթարկելու համար: Հեռուստասերիալը ցուցադրելու է, թե ինչպես են իրանական արդյունաբերական համակարգերը կիբեր-հարձակումների թիրախ դառնում եւ ինչպես են իրանական անվտանգության ուժերն արմատախիլ անում խնդիրը:
