Ամերիկյան Ֆլորիդա նահանգի հարավ-արեմտյան մասում տարօրինակ գողություն է տեղի ունեցել. մերկ գողերը համբուրգերներ են գողացել սրճարանից: Մատուցողուհին գողերին անվանել է «ապուշ, ավելի ապուշ եւ ամենաապուշ»:
Ինչպես հաղորդում է ամերիկյան «ABC» հեռուստաալիքի կայքը, մատուցողուհի Նենսի Սանսերվյերին շարունակում էր ծիծաղել, երբ ոստիկանները ցույց էին տալիս անվտանգության տեսախցիկների տեսագրությունը, որտեղ երեւում է, թե ինչպես ուսանողական տարիքի երիտասարդները, որոնցից երկուսը լրիվ մերկ են, երրորդը՝ ներքնաշորով, 60 հատ համբուրգեր են գողանում: Ոստիկաններն ասել են, որ երիտասարդները սրճարան են ներխուժել վաղ առավոտյան եւ կարմիր պղպեղի հետք են թողել ծովափին:
