2014թ. սկզբից Վրաստանում արձանագրվել է ՄԻԱՎ վարակի 282 նոր դեպք, հաղորդում է Ինֆեկցիոն պաթոլոգիայի, ՁԻԱՀ-ի եւ կլինիկական իմունոլոգիայի գիտական կենտրոնը:

2014թ. հուլիսի 15-ի տվյալներով՝ ՄԻԱՎ վարակի 4 հազար 413 դեպք է գրանցվել, որոնցից 3 հազար 242-ը տղամարդիկ են, 1171-ը՝ կանայք: Հիվանդների մեծ մասի տարիքային տատանումը 29-40 է:

ՁՒԱՀ-ը զարգացել է երկու հազար 711 մարդու մոտ: Ներկայումս բուժման ընթացքում են գտնվում 2 հազար 311 հիվանդ:

ՄԻԱՎ ինֆեկցիայով վարակման հիմնական պատճառը ներարկումային թմրանյութերի օգտագործումն է (50,8%), երկրորդը հետերոսեքսուալ սեռական շփումն է (40,6%): 1446 վարակակիր բնակվում է Թբիլիսիում:

ՁԻԱՀ-ով վարակման առաջին փաստը Վրաստանում գրանցվել է 1989թ.: Մինչ օրս դրան զոհ են գնացել Վրաստանի 944 բնակիչ, հաղորդում է «Վրաստան Օնլայնը»: