ՄԱԿ-ի Գլխավոր ասամբլեան որոշում է ընդունել առաջին անգամ հուլիսի 30-ը նշել՝ որպես թրաֆիքինգի դեմ պայքարի համաշխարհային օր: Այդ մասին այսօր՝ հուլիսի 30-ին, մամուլի ասուլիսին հայտարարեց Հայաստանի արտաքին գործերի նախարարության միջազգային կազմակերությունների վարչության պետ, թրաֆիքինգի դեմ պայքարի աշխատանքային խմբի ղեկավար Վահրամ Կաժոյանը:
Նրա խոսքով՝ Հայաստանը նույնպես միացել է թրաֆիքինգի դեմ պայքարող երկրների խմբին եւ մասնակցություն ունեցել այս շարժմանը: «Այս օրվա կապակցությամբ ՄԱԿ-ը նաեւ խորհրդանիշ է ընտրել՝ կապույտ ուրվագծով սիրտ. կապույտը ՄԱԿ-ի ավանդական գույնն է, իսկ սիրտը՝ հույսի խորհրդանիշ, քանի որ թրաֆիքինգի դեմ պայքարում ամենակարեւորը մարդկանց ճակատագիրն ու կյանքեր փրկելու հնարավորությունն են», - ընդգծել է Վահրամ Կաժոյանը:
