«Խաղաղարար նախաձեռնությունների կովկասյան կենտրոնի» ղեկավար, իրավապաշտպան Գեորգի Վանյանը ռուսական ԿԳԲ-ի գործակալ է: Այս մասին այսօր՝ հուլիսի 30-ին, Երեւանի Կենտրոն եւ Նորք-Մարաշ համայնքների ընդհանուր իրավասության դատարանում, նոյեմբերի 5-ին ձերբակալված Շանթ Հարությունյանի եւ նրա ընկերների գործով դատական նիստին հայտարարեց ամբաստանյալ, «Ցեղակրոն» կուսակցության ղեկավար Շանթ Հարությունյանը:
«Ռուսական ԿԳԲ-ի հայ գործակալները Մոսկվայի ցուցումով սկսել են աշխատել Ադրբեջանի օգտին: Դրա դրսեւորումը եղավ Գեորգի Վանյանը: Նախկինում կարծել եմ, որ նա ազնիվ եւ սկզբունքային մարդ է: Այսօր տեսնում եմ, որ նրա հայտարարությունները կապ չունեն ոչ ազնվության, ոչ արդարության հետ, այդ ամենը մի անուն ունի՝ հայրենքի դավաճան: Եթե Գեորգի Վանյանը փորձեր պաշտպանել Ադրբեջանի դիվերսանտի իրավունքները, որպես կալանավորի, գուցե, բայց ակնհայտ դիվերսանտին համարել պատանդ, դա կանի միայն հայրենիքի դավաճանը»,- հայտարարեց Շանթ Հարությունյանը:
Շանթ Հարությունյանի կարծիքով, սուտ են այն տեղեկությունները, թե Գեորգի Վանյանը թուրք-ադրբեջանական գործակալ է. «Եթե Վանյանը թուրք-ադրբեջանական գործակալ լիներ, ապա Հայաստանի ԿԳԲ-ն վաղուց կձերբակալեր նրան: Նույնիսկ եթե ոչ մի երկրի գործակալ էլ չլիներ, միեւնույն է, Հայաստանի ԿԳԲ-ն նրան կմեղադրեր Հայաստանի վարքն ու հեղինակությունը միջազգային հանրության առաջ արատավորելեւ համար եւ ճնշումներ կգործադրեր նրա նկատմամբ: Վանյանին հանձնարարում են Ռուսաստանին համարել Հայաստանի թշնամին, նունիսկ հայհոյել, բայց ,միաժամանակ, պաշատպանել հայի գիտակցության մեջ ֆիքսված թշնամուն՝ թուրքին: Այս տեխնոլոգիան կիրառում են, որպեսզի հայ ժողովրդին համոզեն, որ Ռուսաստանին թշնամի են համարում նրանք, ովքեր Գեորգի Վանյանի պես պաշտպանում են թուրքերին»:
Շանթ Հարությունյանը նաեւ բացատրեց, թե ինչու են ցեղակրոնները Ռուսաստանին համարում Հայաստանի թշնամին. «Թշնամի ենք համարում, քանի որ Ռուսաստանը Թուրքիայի հետ դաշնակցած ոչնչացրեց Դավիթ Բեկի ստեղծած անկախ Հայաստանը, նպաստեց թուրքերի իրագործած Հայոց ցեղասպանությանը՝ հայտարարելով, թե Հայաստանն իրեն պետք է առանց հայերի: Այսօր էլ Հայաստանն իրենց պետք է դարձյալ առանց հայերի»:
