Օգոստոսի 1-ին, ժամը 16.30-ին, հիվանդանոցից ոստիկանության Թումանյանի բաժնում հաղորդում է ստացվել, որ կրծքավանդակի վնասվածքով իրենց մոտ բուժօգնության է դիմել 24-ամյա Միշա Ս.-ն եւ հայտնել, որ վնասվածքն ստացել է իրենց պատշգամբից վայր ընկնելու հետեւանքով:
Ոստիկանության մամուլի ծառայությունից հայտնում են, որ ձեռնարկված միջոցառումների շնորհիվ պարզվել է, որ նա օգոստոսի 1-ին, ժամը 13.30-ի սահմաններում, Ծաղկաշատ գյուղի հանդամասում իր անձնական օգտագործման «Բելոռուս» տրակտորով խոտ հնձելու ժամանակ անսարքություն նկատելով` առանց շարժիչն անջատելու իջել է այն վերացնելու, սակայն տրակտորը շարժվել է կայանված տեղից եւ մեծ անիվը հարվածել է վարորդի կրծքավանդակին:
Նշանակվել է դատաբժշկական փորձաքննություն:
Կատարվում է քննություն:
