Ճապոնիայում մահապատժի դատապարտված երկու հանցագործների դատավճիռը ի կատար է ածվել, հաղորդում է «Ինտերֆաքսը»՝ վկայակոչելով Ճապոնիայի արդարադատության նախարարությանը:
Մահապատժի ենթարկվածներից մեկը ճապոնական Յամահուտի-հումի մաֆիայի (յակուձա) 59-ամյա նախկին անդամ է: Նա մեղավոր է ճանաչվել 3 մարդու սպանության մեջ: Երկրորդ տղամարդը 56-ամյա նախկին տաքսու վարորդ է, ով մեղավոր է ճանաչվել 5 մարդու սպանության մեջ:
Այժմ երկրում պատժի բարձրագույն չափին դատապարտված 125 բանտարկյալ է հաշվվում:
Վարչապետ Սինձո Աբեի ղեկավարությամբ կառավարության կազմավորումից հետո երկրում արդեն 11 մահապատիժ է իրականացվել: Մահապատիժը իրականացվում է կախման միջոցով՝ առանց մեղադրյալին նախապես տեղեկացնելու եւ առանց ականատեսների:
