«Վանաձոր» բժշկական կենտրոնից, օգոստոսի 26-ին, ժամը 08.40-ին, ահազանգ է ստացվել ոստիկանության Բազումի բաժին, որ իրենց մոտ է տեղափոխվել մի տղամարդ որովայնի եւ կրծքավանդակի կտրած-ծակած վերքերով: Ձեռնարկված միջոցառումների ընթացքում պարզվել է, որ կենցաղային վեճի ժամանակ տուժողին դանակահարել է Վանաձորի բնակիչ 64-ամյա Վարազդատ Ավետյանը:
Ժամեր անց սպանության փորձ կատարելու կասկածանքով Ավետյանը բերման է ենթարկվել Բազումի ոստիկանության բաժին, որտեղ տվել է խոստովանական ցուցմունքներ:
Վարազդատ Ավետյանը ձեբակալված է: Հանցագործության գործիք դանակն առգրավված է, կատարվում է նախաքննություն:
