Չինաստանի հարավում՝ Հայնան, Գուանդուն եւ Հուանսի-Չժուան ինքնավար շրջանում «Քալմեջի» թայֆունից տուժել է առնվազն 5,97 մլն բնակիչ: ՉԺՀ ջրհեղեղների եւ երաշտի դեմ պայքարի պետական շտաբից հայտնեցին, որ առնվազն յոթ մարդ զոհվել, եւս մեկն անհետ կորել է:
Նշված նահանգներում ջրի տակ են անցել 668 հա ցանքատարածքներ, ավերվել է 1,6 հազար տուն: Հաղորդվում է նաեւ էլեկտրահաղորդման գծերի վնասման մասին, եղանակի պատճառով ժամանակավորապես դադարեցվել է օդանավակայանների, նավահանգիստների եւ երկաթուղու աշխատանքը, փոխանցում է ԻՏԱՌ-ՏԱՍՍ-ը:
«Քալմեջին», որի անվանումը կորեերենից թարգմանած նշանակում է «ճայ», Չինաստանում թվով 15-րդ թայֆուն է: Ավելի վաղ այն հարվածել էր Ֆիլիպիններին՝ ջրհեղեղի պատճառ դառնալով եւ հինգ մարդու կյանք խլելով:
