Իրաքի մայրաքաղաք Բաղդադում մի շարք պայթյունների հետեւանքով առնվազն 15 մարդ է զոհվել, փոխանցում է Associated Press-ը՝ վկայակոչելով տեղական իշխանություններին:
Իշխանությունների տվյալներով՝ պայթյունները որոտացել են քաղաքի մի քանի շրջաններում: Մի պայթյունը որոտացել է քաղաքի հյուսիս-արեւմուտքում, որի հետեւանքով 4 մարդ է զոհվել, եւս 10-ը վիրավորվել: Երկրորդ ահաբեկչությունը իրականացվել է Բաղդադի ավտոպահեստում, զոհվել է 3 մարդ: Երրորդ պայթյունը որոտացել է շուկայում, կրկին 3 մարդ զոհվել եւ 11-ը վիրավորվել են:
Ոստիկանությունը նաեւ հաղորդել է, որ Բաղդադի հարավային շրջանների նռնականետերով գնդակոծության մասին: Գնդակոծության արդյունքում 3 խաղաղ բնակիչ է զոհվել, հաղորդում է «ԻՏԱՌ-ՏԱՍՍ»-ը:
Խմբավորումներից եւ ոչ մեկը իր վրա չի վերցրել պայթյունների ու գնդակոծությունների պատասխանատվությունը, սակայն ենթադրվում է, որ դրանց հեղինակը «Իսլամական պետության» զինյալներն են:
