Չինաստանում արգելափակել են Instagram-ում լուսանկարներ ավելացնելու ֆունկցիան՝ Հոնգկոնգում բողոքի ակցիաների պատճառով: Չինական լրատվամիջոցների փոխանցմամբ՝ որոշ օգտատերեր Instagram-ում Հոնգկոնգի մի քանի օր ընթացող բողոքի ակցիաներից լուսանկարներ են տեղադրել:
Instagram-ի հավելվածում արգելափակումն սկսվել է սեպտեմբերի 28-ի երեկոյաից: Օգտատերերը նախկինի պես կարող են մտնել իրենց էջերը, սակայն նոր լուսանկարներ ավելացնել ու թարմացնել լրահոսը չեն կարող, հաղորդում է ԻՏԱՌ-ՏԱՍՍ-ը:
Ավելի վաղ NEWS.am-ը հայտնել էր, որ նախօրեին ոստիկանությունը արցունքաբեր գազ է կիրառել Հոնգկոնգում ցույցը ցրելու ժամանակ: Սեպտեմբերի 27-ին Հոնգկոնգում ընտրությունների ժողովրդավարացման համար պայքարող Occupy Central շարժման կազմակերպիչները հայտարարել են քաղաքում բիզնես կենտրոնի շրջափակման արշավի մասին՝ բողոքելով Չինաստանի կենտրոնական իշխանությունների վարած քաղաքականության դեմ: Ցուցարարները փորձել են հասնել կառավարական համալիրի տարածք: Դրանից մեկ օր առաջ՝ սեպտեմբերի 26-ին, բախումների ընթացքում ձերբակալվել են տասնայկ մարդի, մի քանի ոստիկաններ թեթեւ վնասվածքներ են ստացել: