Ռուսական բանկերը խստացնում են վարկավորման պայմանները գրեթե բոլոր փոխառուների համար: Բանկերի պահանջների աճի պատճառը տնտեսական աճի դանդաղումն է եւ լիկվիդայնության իրավիճակի վատթարացումը, գրում է «Վեդոմոստին»՝ վկայակոչելով Ռուսաստանի Կենտրոնական բանկի տվյալները:
«II եռամսյակում վարկային դրույքները շարունակել են աճել, ընդ որում`բավական արագ, քան ավանդները, ներքին ֆոնդավորման թանկացման պատճառով», - նշվում է ակնարկում: Բացի դրանից, աճել են պահանջները վարկառուների ֆինանսական դրության եւ ապահովվածության նկատմամբ. բանկերը վերագնահատել են վարկային ռիսկերը, ոմանք նվազեցրել են առավելագույն ժամկետը եւ վարկերի չափը` ավելացնելով հավելավճարները:
