Ռուսաստանի Կենտրոնական բանկն այսօր՝ սեպտեմբերի 30-ին, երեք ռուսական բանկերի՝ մայրաքաղաքային «Սոյուզպրոմբանկի», Մախաչկալայի «Էսիդբանկի» եւ Սամարայի «Պրիորիտետի» լիցենզիաները անվավեր է ճանաչել: Այդ մասին հաղորդում է Lenta.ru –ն՝ վկայակոչելով Ռուսաստանի Կենտրոնական բանկին:
Աղբյուրի տվյալներով՝ «Սոյուզպրոմբանկը» ակտիվների մեծությամբ 544-րդ տեղում էր, «Էսիդբանկը»՝ 676-րդ, «Պրիորիտետը»՝ 522-րդ տեղում: Բոլոր երեք բանկերը ավանդների ապահովման համակարգի մասնակիցներ են:
Ռուսաստանի բանկը վերջին տարում վարկային կազմակերպություններից զանգվածաբար հետ է կանչում լիցենզիաները: Վերջիններից զրկված բանկերից մի քանիսը ռուսական թոփ-100 հաստատություններից են, մասնավորապես՝ «Մաստեր-բանկը» եւ «Պուշկինո» բանկը: