Հայաստանի ԱԻՆ-ում, սեպտեմբերի 30-ին, ժամը 19.58-ին ահազանգ է ստացվել, որ Երեւանի Վրացական փողոցի թիվ 21/1 շենքի 12-րդ բնակարանի (4-րդ հարկ) պատշգամբը 5-րդ հարկում (թիվ 15 բնակարան) կառուցված շինության ծանրությունից ճկվել է, կա փլուզվելու վտանգ. անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել ՃԿԿ օպերատիվ խումբը:
Պարզվել է, որ 5-րդ հարկի թիվ 18 բնակարանի բնակիչը ավելացրած պատշգամբում իրականացրել է շինարարական աշխատանքներ, իսկ թիվ 15 բնակարանի (սեփականատեր Է.Մ.) պատշգամբում ճկվել է հենասյունը: