Իսպանական Լեոն նահանգի Սալաս-դե-լոս-Բարիոս գյուղի գինու գործարանում դժբախտ պատահար է տեղի ունեցել: Խմիչքի հսկա տակառում 25-ամյա բնակչուհի Ներեա Պերեսի մարմինն է հայտնաբերվել, հաղորդում է «Daily Mirror»-ը: Ենթադրվում է, որ աղջիկը, հետեւելով գործընթացին, աննկատելիորեն գինովցել է գոլորշուց, կորցրել հավասարակշռությունը, ընկել գինու տակառը:
Աղջկան գտել է հորեղբայրը՝ գյուղում հայտնի գինեգործ Ռաուլ Պերեսը: Նա անմիջապես շտապօգնություն է կանչել, սակայն փրկել զարմուհուն արդեն չի հաջողվել:
Գինեգործները պնդում են, որ նման դեպքերն ավելի հաճախ են տեղի ունենում, քան մարդիկ կարծում են, քանի որ գինու պատրաստման գործընթացն ունի իր առանձնահատկությունները, որոնց մասին հաճախ մոռանում են:
