Մեծ գումարները բարեգործության վրա ծախսելը ավելի դյուրին է կապիտալն ինքնուրույն կուտակած գործարարների, քան հարուստ ծնողների ժառանգների համար, փոխանցում է Lenta.ru-ն՝ վկայակոչելով բրիտանացի տնտեսագետների ուսումնասիրությունը:
Բարեգործներին, ըստ ուսումնասիրության, ավելի շատ մտահոգում է այն, թե որքանով արդյունավետ կծախսվեն իրենց նվիրաբերած գումարները: Գիտնականներն ուսումնասիրել են 2010թ. ամերիկացի միլիարդատերներ Ուորեն Բաֆեթի եւ Բիլ Գեյթսի կողմից սկսված The Giving Pledge արշավին մասնակցած բարեգործների հայտարարությունները:
Բարեգործներն առաջին հերթին նշել են հանրությանը փոխելու ցանկությունը: Երկրորդ տարածված պատճառն է ընտանեկան հարստության մի մասը բաժանելը (ժառանգներին խիստ մեծ կապիտալով երես չտալու համար), փողը կիսելու բարոյական պարտքի զգացումը, ինչպես նաեւ այլ գործարարների համար օրինակ ծառայելու ձգտումը: