Սիրիական Հալեպ քաղաքի Նոր Գյուղ հայկաբնակ թաղամասում հոկտեմբերի 1-ին ինքնաշեն գազի գնթանոթների գնդակոծության հետեւանքով երկու հայ է վիրավորվել: Սիրիայում տպագրվող «Գանձասար» թերթը գրում է, որ վիրավորվել են Շահե Շահինյանը եւ Ավետիս Սոլակյանը: Ահաբեկիչների թիրախը հայկական ազգային Զավարյան վարժարանն է եղել:
Հիշեցնենք, որ նախքան արյունահեղ իրադարձությունները Սիրիայում 60-70 հազար հայ էր բնակվում: Նրանց մեծ մասը Հալեպի բնակիչներ էին, սակայն հայաբնակ թաղամասեր կային նաեւ այնպիսի քաղաքներում, ինչպիսիք են Լաթաքիան, Հոմսը, Քամըշլին, Հասակեն, Յակուբիեն, Քեսաբը եւ իհարկե` մայրաքաղաք Դամասկոսը:
