Այն, ինչը հիմնված չէ գաղափարախոսության վրա, հազիվ թե հանգեցնի ինչ-որ արդյունքի: Այդ մասին այսօր՝ հոկտեմբերի 2-ին, լրագրողներին հայտարարեց ԱԺ նախագահ Գալուստ Սահակյանը՝ ի պատասխան հարցին՝ ինչպես է նա գնահատում խորհրդարանական եռյակի կողմից անցկացվող մարզային ցույցերը:
«Ես այդ ցույցերին չեմ մասնակցել: Սակայն այն, որ դա չի հենվում գաղափարախոսության վրա, չունի ձեւակերպված սկզբունքներ, հազիվ թե ինչ-որ արդյունքի հանգեցնի: Նրանք իրենց ելույթների միջոցով փորձում են իրենց կողմը գրավել մարդկանց: Նմանատիպ դեպքերում մարդիկ հավաքվում են, սակայն դա անարդյունք կլինի», - ասել է Սահակյանը:
Նշենք, որ մարզային ցույցերին Հայ ազգային կոնգրեսն ու «Ժառանգությունը» հանդես են գալիս իշխանափոխության կոչով, իսկ «Բարգավաճ Հայաստանը» խուսափում է նման հայտարարություններից:
