Հայաստանում հաշվվում է 5 271 թմրամոլ, որոնցից 21-ը` կին, իսկ 3-ը` անչափահաս, հոկտեմբերի 2-ի մամուլի ասուլիսում հայտարարել է ՀՀ ոստիկանության կազմակերպված հանցավորության դեմ պայքարի գլխավոր վարչության պետի առաջին տեղակալ, ոստիկանության գնդապետ Վարդան Բադասյանը:
Ըստ նրա` նախորդ տարվա համեմատությամբ գրանցվել է թմրամոլների թվի աճ. 2013 թ. նրանց թիվը 5022 էր: Վարդան Բադասյանն ընդգծել է բուժման մեթադական ծրագրի կարեւորությունը, որը գործում է Հայաստանի երեք քաղաքներում` Երեւանում, Գյումրիում եւ Վանաձորում: Նա հավելել է, որ շուտով այդ ծրագիրը գործելու է նաեւ Սյունիքի մարզի Կապան քաղաքում: «Ներկայումս այդ ծրագրում ներգրավված է 361 մարդ, որոնցից 240-ը` Երեւանում, 22 –ը` Վանաձորում, 17-ը` Գյումրիում: Ծրագիրը գործում է նաեւ քրեակատարողական հիմնարկներում», - ընդգծել է Վարդան Բադասյանը:
