Ամերիկացի զինվորականները զենք են տվել Սիրիայում արդեն մի քանի ամիս «Իսլամական պետության» գրոհայինների դեմ մարտնչող ապստամբներին, հայտնում է Reuters-ը:
Աղբյուրը նշում է, որ սա Պենտագոնի առաջին պաշտոնական հայտարարությունն է` Սիրիայի ապստամբներին օգնություն տրամադրելու վերաբերյալ:
Գործակալությունը նշում է, որ ԱՄՆ կենտրոնական հրամանատարությունը հայտարարել է Սիրիայի ապստամբներին զենք, զինամթերք եւ դեղորայք փոխանցելու մասին:
Աղբյուրը հիշեցնում է, որ ԱՄՆ-ն 2014 թ. օգոստոսից սկսել է օդային հարվածներ հասցնել Իրաքում ԻՊ գրոհայիների դիրքերին եւ գրեթե մեկ ամիս անց սկսել է ռմբակոծել գրոհայինների դիրքերը հարեւան Սիրիայում:
