Հայաստանի 8 մարզերի 14 համայնքներում հոկտեմբերի 19-ին տեղի են ունեցել տեղական ինքնակառավարման մարմինների ընտրություններ:
NEWS.am-ը Կենտրոնական ընտրական հանձնաժողովից տեղեկացավ, որ Գեղարքունիքի մարզի Ներքին Գետաշենում ընտրություններին մասնակցել է ընդամենը 2724-ը 6121 ընտրողներից (44 տոկոս): Այս համայնքում հաղթել է գործող ՀՀԿ-ական գյուղապետ Կարո Գեւորգյանը՝ 1996 ձայնով:
Նույն մարզի Դդմաշեն համայնքում 1996 ընտրողներից մասնակցել է 993-ը: Այստեղ հաղթել է Ավետիս Ավետիսյանը՝ ստանալով ձայների գերակշռող մասը՝ 922:
Մաքենիս գյուղում կար ընդամենը 1 թեկնածու՝ ԲՀԿ-ական Հարություն Մանուկյանը, որը ստացել է 154 ձայն:
Բացի դրանից՝ ընտրություններ են տեղի ունեցել Արմավիրի մարզի Գետաշեն, Շենավան, Կոտայքի մարզի Զորական, Վայոց Ձորի մարզի Գնեշիկ, Սերս, Գեղարքունիքի մարզի Դդմաշեն, Ներքին Գետաշեն, Մաքենիս, Լոռուարզի Ձյունաշող, Շիրակի մարզի Հովտաշեն, Լուսակերտ, Արեւիկ, Արագածոտնի մարզի Նոր Ամանոս եւ Արարատի մարզի Դալար համայնքներում:
