Վերջին 10 տարվա ընթացքում իտալալան Կանետո դի Կարոնիա քաղաքի բնակիչները հանելուկային հրդեհների հարյուրավոր դեպքերի ականատես են դարձել: Այս աշնանը վերսկսված տարօրինակ երեւույթները ներառում են ներքնակների, մահճակալների, ավտոմեքենաների եւ կենցաղային տեխնիկայի՝ սառնարանի,հեռուստացույցի, անջատված բջջային հեռախոսների բռնկում, հաղորդում է «FedPost»-ը:
Աղբյուրը հաղորդում է, որ հանկարծակի նման բռնկումները գրավել են երկրաբանների, ֆիզիկոսների ուշադրությունը, սակայն մինչեւ հիմա կատարվածին բացատրություն չի տրվել: Տեղացիները մեղադրում են ՉԹՕ-ներին:
Ամեն ինչ սկսվեց 2004թ.-ին, պատմում է աղբյուրը, երբ մի քանի տան մեջ հանկարծակի այրվել են սալիկները, փոշեկուլները, հարսանեկան նվերները, կահույքն ու անգամ ջրատար խողովակը: Փորձագետների անցկացրած հետաքննությունն արդյունք չի տվել: Այնուհետ բռնկումները դադարել են:
Սակայն ավելի ուշ մարդիկ ստիպված են եղել համակերպվել տարօրինակ երեւույթների հետ: 2005թ.-ի ապրիլին Իտալիայի կառավարությունը բանակային սպաներից, երկրաբաններից ու ֆիզիկոսներից բաղկացած խումբ ստեղծեց՝ տեղի ունեցող իրադարձությունների պատճառները պարզելու համար: Սակայն անարդյունք:
Փոքր դադարից հետո անբացատրելի հրդեհները վերադարձան քաղաք: Լրատվամիջոցները հաղորդում են, որ տեղի բնակիչներին դարձյալ տարհանել են: Իտալացիների շրջանում արդեն լուրեր են տարածվում, որ պատճառ կարող է հանդիսանալ հուզական ցնցումներ ապրած ինչ-որ անց, ինչի հետեւանքով նրա մեջ գերբնական ունակություններ են ի հայտ եկել: