Սիսիանի ԲՀԿ-ական քաղաքապետ Աղասի Հակոբջանյանը պատրաստվում է մասնակցել այսօր՝ հոկտեմբերի 24-ին, կայանալիք եռյակի հանրահավաքին, ըստ որում՝ գալու է ոչ միայնակ: «10-ին էլ կայի մեծ թվաքանակով, 24-ին էլ եմ գալու մեծ թվաքանակով»,- NEWS.am-ի թղթակցի հետ զրույցում ասաց Աղասի Հակոբջանյանը:
Հարցին, թե նորանշանակ մարզպետ Սուրիկ Խաչատրյանը խնդիր չի ստեղծի, քաղաքապետն ասաց, որ այդ հարցով առայժմ հանգիստ է: «Կուսակցությունում նստած եմ, արձակուրդում եմ, էնքան կամավորներ են գալիս, էնքան ցանկացողներ կան, չգիտեմ՝ ոնց ենք տեղափոխելու»,-ասաց նա:
Աղասի Հակոբջանյանը նշեց, որ արձակուրդը հանրահավաքների պատճառով չի վերցրել, շուտ էր վերցրել, այժմ էլ շարունակվում է: Դիտարկմանը, թե Գագիկ Ծառուկյանն է ֆինանսավորում մարդկանց տեղափոխելը, Սիսանի քաղաքապետն ասաց, որ մարդիկ են իրենց ծախսերը հոգում, իսկ ով չունի հնարավորություն, ինքն է հոգում:
