Հոկտեմբերի 31-ին, ժամը 03.30-ին, ոստիկանության Երեւան քաղաքի վարչության ՊՊԾ գնդի 3-րդ հատուկ գումարտակի 2-րդ վաշտի ծառայողները Երեւան քաղաքի Հյուսիսային պողոտայի գետնանցումից Կենտրոնականի բաժին բերման են ենթարկել 1989 թ. ծնված Ժիրայր Ա.-ին եւ 1987 թ. ծնված Զավեն Բ.-ին: Բայց մինչ այդ Ժիրայր Ա.-ն նշված գետնանցումում նկատելով ոստիկաններին՝ գետին էր նետել ծխախոտի գլանակն եւ թղթե փաթեթը, որում առկա է եղել դեղնականաչավուն զանգված:
Ոստիկանության լրատվության վարչությունից հայտնում են, թե նշանակվել են տոքսիկոքիմիական եւ դատաքիմիական փորձաքննություններ:
Կատարվում է հետաքննություն: