Արցախում սկսվում է ՀՀ եւ ԼՂՀ զինված ուժերի «Միասնություն-2014» համատեղ օպերատիվ-մարտավարական զորավարժությունների փակման արարողությունը, որի ժամանակ լինելու են ցուցադրական ելույթներ:
NEWS.am-ի թղթակիցը հաղորդում է, որ այս պահին զորավարժությունների վայրում են գտնվում Հայաստանի եւ ԼՂՀ նախագահներ Սերժ Սարգսյանն ու Բակո Սահակյանը, Հայաստանի ՊՆ ղեկավար Սեյրան Օհանյանը, ԼՂՀ Պաշտպանության բանակի հրամանատար Մովսես Հակոբյանը:
Քիչ անց կսկսվի բիաթլոնը, որի ժամանակ երեք տանկեր ցուցադրական ելույթ կանցկացնեն:
NEWS.am-ի թղթակից հետ զրույցում զորավարժությունների կազմակերպիչները հայտնեցին, որ տանկերը վարելու են 2014 թվականի տանկային բիաթլոնի առաջնության փոխչեմպիոնները: Տանկային բիաթլոնից հետո լինելու է հրաձգություն, այնուհետեւ՝ ցուցադրական ելույթներ:
Փակման արարողության ավարտին ՀՀ նախագահ Սերժ Սարգսյանը պարգեւատրելու է զինծառայողներին:
