ԱՄՆ-ի հետ առեւտրային արտոնությունների ապագան անորոշ է՝ եվրասիական ինտեգրման պայմաններում: Այս մասին NEWS.am-ի թղթակցի հետ զրույցում նշել է հայկական ոսկեգործության ընկերության JCA (Jewellery Company of Armenia) գլխավոր տնօրեն Նելլի Հարությունյանը:
Ընկերությունը (Հայաստանի ԱՄՆ խոշոր արտահանող եւ ոսկեգործական արտադրանքի արտահանման առաջատար) օգտվում է GSP համակարգից, որով ԱՄՆ-ը համաձայն է առանց մաքսատուրքի գնել մինչեւ 3 451 անուն ապրանք 129 երկրներից, այդ թվում Հայաստանից:
«Մենք մինչ օրս չգիտենք, կհամաձայնի՞ ԱՄՆ-ը երկարաձգել մեր երկրում այդ արտոնյալ ռեժիմը 2015-ին»,-հայտարարել է ն: Ընկերությունը փորձում է այս հարցի պատասխանն ստանալ Հայաստանում ԱՄՆ դեսպանատան եւ Ամերիկյան առեւտրային պալատի միջոցով:
Դեռեւս ԱՄՆ-ը ներմուծման մաքսատուրքեր է գանձում հայկական ապրանքներից, որոնք ընկնում են GSP-ի տակ: Եթե արտոնությունների ռեժիմը երկարաձգվի, մաքսատուրքերը հետին թվով կվերադարձվեն արտահանողներին: Նկատենք, որ նոյւնը տեղի է ունեցել 2013-ին, երբ ԱՄՆ-ը հաստատեց Հայաստանի համար GSP-ը միայն օգոստոսին:
