Երեւանում «Հին Էրիվան» ռեստորանի մոտ, նոյեմբերի 20-ի կեսգիշերին թեժ սկանդալ է տեղի ունեցել մի խումբ աղջիկների ու ոստիկանների միջեւ:
NEWS.am-ի տեղեկություններով մի խումբ աղջիկների ու մի տղայի միջեւ վիճաբանություն է ծագել, որը վերածվել է ծեծկռտուքի: Նրանք միմյանց փոխադարձ հարվածներ են հասցրել ու հայհոյանքներ հնչեցրել, որը տեսնելով` նրանց են մոտեցել տարածքում ծառայություն իրականացնող ոստիկանները:
Սակայն վերջիններիս միջամտությունը ոչ միայն նրանց չի սաստել, այլեւ քաշքշել են, հայհոյել ոստիկաններին, աղջիկներից մեկն էլ հարվածել է նրանիցից մեկին:
Ամեն դեպքում ոստիկաններին հաջողվել է բերման ենթարկել նրանց, աղջիկներից մեկն ալկոհոլային թունավորում ախտորոշմամբ տեղափոխվել է հիվանդանոց: Նշված հասցեում տեղի ունեցած միջադեպը NEWS.am-ի հետ զրույցում հաստատել են ոստիկանությունից:
