Sony-ն մտադիր է խելացի ժամացույց ստեղծել, որի էկրանն ու պատյանն էլեկտրոնային թղթից կլինեն: Այս մասին գրում է Gazeta.ru-ն՝ վկայակոչելով ընկերության աղբյուրին:
Պատկերը ցուցադրվելու է ոչ միայն ժամացույցի թվատախտակին, այլեւ դրա մակերեւույթին: Այդպիսով, հնարավոր կլինի փոխել սարքի արտաքին տեսքը:
Ժամացույցի մշակմամբ զբաղվում է ընկերության նորարարական բաժանմունքը, որն այս տարի է ստեղծվել: Բացի «թղթե» սմարթժամացույցից, այդ դեպարտամենտում է ստեղծվել MESH նախագիծը. տարբեր գաջեթների նախատիպերի ստեղծման համար կոնստրուկտոր:
Սպասվում է, որ Sony-ի նոր «խելացի» ժամացույցները կներկայացվեն 2015 թվականի սկզբին: