Հարկային ծառայությունը ձեռնարկություններում ստուգումների կարող է գնալ տարեկան մեկ անգամից ոչ ավելի: Այս մասին կառավարության նոյեմբերի 27-ի նիստում հայտարարել է ՀՀ վարչապետ Հովիկ Աբրահամյանը: Նա կարգադրել է իրավական հիմնավորում կազմել այս կարգադրության համար:
Ըստ վարչապետի՝ տարեկան մեկ անգամից ավելի ստուգումներ կկատարվեն միայն բացառիկ դեպքերում՝ ապացույցների բազայի առկայության դեպքում, վարչապետի որոշմամբ: «Մենք պետք է տեղական արտադրողին օգնենք ավելի մրցունակ դառնալ, այդ թվում՝ արտաքին շուկաներում: Դրա համար անհրաժեշտ է դադարեցնել պետական անհարկի միջամտությունը՝ ստուգումները դարձնելով նպատակային եւ արդյունավետ»,- նշել է վարչապետը: