Ռուսաստանցի պատգամավոր Վլադիմիր Վասիլեւի օգնական Պավել Աբակումովը մահացել է՝ ընկնելով 18-րդ հարկից:
Ըստ իրավապահ մարմիններում «Ինտերֆաքսի» աղբյուրի՝ 32-ամյա Պավել Աբակումովի մարմինը հայտնաբերվել է նոյեմբերի 26 –ին Մոսկվայում՝ 14 շենքի մոտ: Lifenews –ի փոխանցմամբ, բնակարանը, որտեղ գտնվում էր Աբակումովը, պատկանում է նրա հարազատներին:
Պետդումայի փոխխոսնակ, «Եդինայա Ռոսիա» խմբակցության ղեկավար Վլադիմիր Վասիլեւը հաստատել է իր օգնականի մահվան փաստը եւ հստակեցրել, որ նա իր օգնականն էր հասարակական հիմունքներով:
Աբակումովը «Իրավապահների հետ փոխգործակցության քաղաքացիական ազգային կոմիտե» համառուսաստանյան ՀԿ-ի եւ «Հանրային ճանաչում» ազգային հիմնադրամի գործադիր տնօրենն էր, ՌԴ Ժուռնալիստների միության անդամ:
