Մոսկվայի Տվերի դատարանը ուսումնասիրում է արագ սննդի «Մաքդոնալդս» ռեստորանից 4,5 մլն ռուբլի պահանջող Մոսկվայի բնակչուհու հայցը : Հայցվոր Օլգա Գավրիկովը պնդում է, որ ռեստորանների ցանցերից մեկում կտրվել է իր մատահատվածը:
LifeNews-ի փոխանցմամբ՝ տուժածի ազգանունը Գավրիլովա է: Միջադեպը տեղի է ունեցել 2012թ. փետրվարին՝ «Մաքդոնալդսում»:
«Կերակուրը գնել եմ ոչ թե ռեստորանում, այլ փողոցում: Վճարելուց հետո հեռանալիս «Մաքդոնալդսի» աշխատակցուհին փակեց պատուհանի փեղկը: Այդ պահին մեկ այլ փեղկը կոտրվեց եւ ընկավ ուղիղ մատիս վրա՝ եղունգի հետ կտրելով մատահատվածի մեկ երրորդը», - պատմել է տուժողը:
Ռեստորանի ղեկավարությունը չի ընդունում իր մեղքը՝ պատահածի մեջ մեղադրելով պատուհաններ արտադրողին:
