Արդյունաբերողների եւ գործարարների միության նախագահ Արսեն Ղազարյանը լրագրողներին խնդրել է իրեն հարցեր չտալ շաքարավազի մասին: Ի պատասխան հարցին՝ կարո՞ղ է արդյոք Սամվել Ալեքսանյանը պատժվել շաքարի եւ այլ ապրանքների շուկայում իր ընկերության գերիշխող դիրքը չարաշահելու համար (դոլարի փոխարժեքի բարձրացումների պայմաններում), Ղազարյանը հայտարարեց, որ Ալեքսանյանը գործարար չէ, այլ պատգամավոր, «պարզապես աշխատում է իր կողմից հիմնված համակարգը»: «Նա եւ մի շարք այլ անձինք ընկերություններում ունեն ակտիվներ, սակայն չեն կառավարում դրանք», - հավաստիացրեց Ղազարյանը:
Նրա խոսքով՝ ապրանքների թանկացումների եւ պատժամիջոցների մասին հարցերը նա խնդրել է իրեն չուղղել, քանի որ դրանցով զբաղվում են համապատասխան պետական մարմինները: «Այսօր վարչապետը Տնտեսական մրցակցության պաշտպանության» պետական հանձնաժողովի նախագահին հանձնարարել է ուսումնասիրել գների անհիմն թանկացումների հնարավոր դեպքերը, այդ թվում անեւ՝ շաքարավազի շուկայում, - նկատեց Ղազարյանը:
