Չուկիո (Նագոյա) Ճապոնացի ինժեներները ռոբոտ-նորածին են ստեղծել՝ տարեց մարդկանց մենության զգացումը հաղթահարելու հարցում օգնելու նպատակով:
Էլեկտրոնային նորածինը պատրաստված է պլաստիկից եւ սիլիկոնից: Երկարությունը 44 սմ է, քաշը՝ 1 կգ-ից մի փոքր ավելի: Արտաքին տեսքից այն սպիտակ, բամբակյա կոմբինեզոնով սովորական տիկնիկ է: Աչքերին եւ այտերին ներսարած լուսադիոդային լամպերը ռոբոտին օգնում են արտահայտել իր զգացմունքները:
Ռոբոտը ստեղծողներն ամենեւին չեն ցանկացել այն իսկական երեխայի նման մշակել: Գյուտի հեղինակի՝ պրոֆեսոր Մասայոշի Կանոհի գլխավոր խնդիրն էր տարեց մարդկանց՝ ինչ-որ մեկի մասին հոգ տանելու հնարավորություն տալ:
Ուստի «Սմայբին» իր նկատմամբ մշտական ուշադրություն է պահանջում, ճիշտ նորածնի պես: Նա արձագանքում է իր «ծնողների» ցանկացած գործողությանը կամ անգործությանը: Երբ նրան գրկում են, սկսում է ծիծաղել, իսկ այտերը սկսում են կարմրել հրճվանքից. գործարկվում են վարդագույն լուսադիոդները:
Նորածին-ռոբոտին կոպիտ օրորելու կամ մի երկար ժամանակ մենակ թոնելու դեպքում նա սկսում է ուժեղ արտասվել: Սակայն անհանգստանալու առիթ չկա: Եթե նրան ոչ մեկ չսփոփի, նա կհանգստանա եւ կքնի, հայտնում է «Գեոն»:
