Ուզբեկստանի պետական հեռուստատեսության առաջին ալիքով ժամը 16:30-ին եւ 17:00-ին տեղի ժամանակով եթեր է դուրս եկել «Ախբորոտ» (Լուրեր) հաղորդումը անգլերեն եւ ուզբեկերեն լեզուներով: Հաղորդումը իր երկու եթերների ընթացքում մանրամասն անդրադարձ է կատարել երկրի թեթեւ արդյունաբերության արձանագրած հաջողություններին: Դատելով զվարճալի հաղորդումների առատությունից՝ այդ թվում տեղի երիտասարդական «Եշլար» ալիքի եթերում, Ուզեբկստանի նախագահի հոսպիտալացման մասին լուրերն իրականությանը չեն համապատասխանում:
Ավելի վաղ ռուսաստանյան ԶԼՄ-ները, վկայակոչելով իրենց աղբյուրները Ուզբեկստանի կառավարությունում, հայտնել են, որ Քարիմովը կոմայի մեջ է: Այս տեղեկատվությունը տարածվել էր նաեւ օտարերկրյա մի շարք ԶԼՄ-ների կողմից, որոնք իրենց հերթին վկայակոչում էին «Ուզբեկստանի ազգային շարժումը»:
Շարժման մասնակիցները, նույնպես վկայակոչելով իրենց աղբյուրները երկրի կառավարությունում, պնդում են, որ երկրի նախագահի ինքազգացողությունը կտրուկ վատացել է չորեքշաբթի օրը, հունվարի 28-ին:
«Իսլամ Քարիմովը գտնվում է կոմայում ամսի 29-ից», - նշում են շարժման մասնակիցները: