Արժույթի միջազգային հիմնադրամի վարկերի վերադարձման շրջանակներում Հայաստանը եւս 450 մլն դրամ կվճարի: Այդ որոշումը կառավարությունը կայացրել է այսօր՝ փետրվարի 26-ին կայացած իր նիստում:
Ավելի վաղ պարտքերի վճարումների վերջին տրանշը Stand-By ծրագրով պետք է կազմեր 3,12 մլն դոլար: Այդ պարտքը մարելու համար նախատեսված էր 1,89 մլրդ դրամ՝ ելնելով 2014-ի նոյեմբերի 3-ին SDR -ի դոլարի 605,6 դրամ փոխարժեքից (1SDR = 1,473USD եւ 1USD = 411,21AMD):
Ելնելով նրանից, որ 2015-ի հունվարի 29-ին SDR-ի նկատմամբ դրամի փոխարժեքը նվազել է մինչեւ 671,38-ի (դրամի արժեզրկման պատճառով), պարտքային տրանշը ստիպված են եղել մեծացնել 450 մլն դրամով:
Նշենք, որ Stand-By Arrangement համաձայնագիրը կնքվել է 2009 թվականին:
