Պատգամավոր Առաքել Մովսիսյանի («Շմայս») վրա մինչեւ օրս արյան բծեր են մնացել պատերազմից: Այս մասին, այսօր՝ փետրվարի 26-ին, ԱԺ-ում հայտարարել է խորհրդարանի խոսնակ Գալուստ Սահակյանը՝ պատասխանելով հարցին՝ ո՞ւմ է ավելի լուրջ քաղաքական գործիչ համարում՝ Գագիկ Ծառուկյանին, թե իր ՀՀԿ-ական կուսակից Առաքել Մովսիսյանին (նա հայտնի է իր ոչ պարկեշտ արտահայտություններով - խմբ):
«Երկուսին էլ կարելի է դրական բնութագրել: Առաքել Մովսիսյանը իր արյամբ է վճարել Արցախի պատերազմի հաղթանակի համար եւ նրա վրա արյան բծեր են մնացել մինչև օրս: Իսկ Գագիկ Ծառուկյանը ավելի շատ ներդրում է ունեցել տնտեսական գործընթացներին եւ Հայաստանի զարգացմանը որպես գործարար»,-ասել է Սահակյանը:
