Խոշոր արտահանող ընկերությունը կօգնի Հայաստանին։ Այս մասին այսօր՝ փետրվարի 27-ին, խորհրդարանական ճեպազրույցների ժամանակ հայտարարել է ՀՀԿ խմբակցության ղեկավար Վահրամ Բաղդասարյանը՝ մեկնաբանելով «Շահութահարկի մասին» օրենքում փոփոխությունների նախագիծը, որն արտոնություններ է առաջարկում արտահանող խոշոր ընկերությունների համար։
«Այս օրինագիծը ոչ թե մենաշնորհ է դնում արտահանման վրա, ինչպես որ մտածում են որոշ մարդիկ, այլ ուղղակի հեշտացնում է արտահանման գործընթացը։ Բոլորին հայտնի է, որ փոքր ընկերություններին դժվար է արտաքին շուկա դուրս գալ։ Իսկ օրենքը հնարավորություն է տալիս բացել խոշոր ձեռնարկություն, որը կգնի արտադրանքը փոքրերից։ Խոշոր ապրանքաշրջանառության շնորհիվ նրա համար հեշտ կլինի պայմանավորվել արտասահմանյան գործընկերնրի հետ»,- վստահեցրեց Բաղդասարյանը։
Համաձայն օրինագծի՝ շահութահարկը պլանավորվում է նվազեցնել 20-ից մինչեւ 2 տոկոս այն ընկերությունների համար, որոնք տարեկան արտահանում են ավելի քան 50 մլրդ դրամի արտադրանք։ Արտոնություննեը չեն վերաբերում հանքարդյունաբերող եւակցիզավորման ենթակա ձեռնարկություններին։
Նշենք, որ հաշվի առնելով Հայաստանի տնտեսության մյուս ճյուղերում արտադրության ծավալները, ապա 50 մլրդ դրամի շրջանառություն իրականացնել կնշանակի մենաշնորհ հաստատել արտադրության ամբողջ շուկայի վրա։
