«Նուբարաշեն» ՔԿՀ-ի մոտ հնչած կրակոցները ոչ մի կապ չունեն կալանավայրի հետ: Այս մասին NEWS.am-ի թղթակցին հայտնեցին ՔԿՎ Հանրային կապերի բաժնից:
Հարցին, թե ինչու է արգելվել մուտքը ՔԿՀ-ը, մեզ փոխանցեցին, որ պարզապես պայմաններ են ստեղծվել ոստիկանության անխափան աշխատանք իրականացնելու համար:
Ավելի վաղ հայտնել էինք, որ քիչ առաջ Նուբարաշեն համայնքում հնչել են կրակոցներ: NEWS.am-ի հետ զրույցում սա հաստատել են ոստիկանությունից՝ նշելով, որ ահազանգ են ստացել եւ այս պահին դեպքի վայր են մեկնել ոստիկանները՝ պարզելու տեղի ունեցածը: Նախնական տեղեկություններով մի քանի հոգի ինքնաձիգերով կրակ են բացել «Նուբարաշեն» ՔԿՀ-ի մոտ, որի հետեւանքով կա երեք զոհ: Մեր տեղեկություններով, մեկը մահացել է տեղում, երկուսը՝ հիվանդանոցում: «Նուբարաշեն» ՔԿՀ-ի մուտքն արգելված է:
