Հայաստանում ՌԴ ԱԴԾ Սահմանային վարչության պետ գեներալ-մայոր Վյաչեսլավ Բիրյուկովը բավարարված է հայ գործընկերների հետ համագործակցության մակարդակով։
Մարտի 6-ին հրավիրված մամուլի ասուլիսի ժամանակ Սահմանային վարչության պետը ընդգծեց ՀՀ ԱԱԾ-ի հետ համագործակցության բարձր մակարդակը։ «Երկու կողմերն էլ շահագրգռված են պետական սահմանների պաշտպանությամբ։ Անցյալ տարվա արդյունքները վկայում են արդյունավետ աշխատանքի մասին։ Մենք միմյանց լսում ենք, հասկանում ենք, դա հնարավորություն է տալիս ադեկվատ արձագանքել մարտահրավերներին եւ եզրակացնել, որ 2015թ. համագործակցությունը նույնպես հաջող կընթանա»։ Բիրյոկովը որպես օրինակ է բերել մարտի 1-ի գիշերը հայ-թուրքական հատելու փորձ կատարելիս Բուլղարիայից Թուրքիա ժամանած Չեխիայի քաղաքացու ձերբակալման դեպքը։ Այդ փաստով ստուգումներ են անցկացվում, իրավախախտին հանձնել են ՀՀ ԱԱԾ-ին։ Սահմանային վարչության պետը նշել է նաեւ տեղաբնակների կողմից սահմանը ապօրինի հատելու փորձեր։
Խոսելով սահմանների պաշտպանության համակարգի արդիականացումից՝ Բիրյուկովը նշել է, որ գործընթացը ընթանում է արագ տեմպով, կիրառվում է ժամանակակից տեխնիկա։ Նրա խոսքով՝ այդ նպատակով գործի են դրվել թե՛ ռուսական, թե՛ հայկական կողմի հնարավորությունները։
«Հաջորդ տարի ես հույս ունեմ ձեզ հրավիրել տեխնիկայի վերջին խոսքով կառուցված ուղեկալներից մեկը»,- հայտարարեց Սահմանային վարչության պետը՝ հիշեցնելով, որ այս տարի Մեղրիի եւ Արտաշատի ջոկատները դառնում են 60 տարեկան։
