![](img/news/25/59/42/default.jpg)
Ռուս ընդդիմադիր գործիչ Բորիս Նեմցովի սպանության կասկածանքով ձերբակալվել է 2 մարդ։ Այս մասին ռուսական Առաջին ալիքի եթերում հայտարարել է Անվտանգության դաշնային ծառայության ղեկավար Ալեքսանդր Բորտնիկովը։
«Տարված աշխատանքների արդյունքում ձերբակալվել է Նեմցովի սպանության գործով 2 կասկածյալ։ Նրանք են ոմն Անզոր Գուբաշեւը եւ Զաուր Դադաեւը»,- հայտարարել է նա։
Ավելի վաղ հետաքննության տրամադրության տակ հայտնվել էին Նեմցովի սպանության կասկածյալների պատկերները։ Լրատվամիջոցները հաղորդում էին, որ Նեմցովի ուղղությամբ կրակողները հյուսիսովկասյան շրջանի բնակիչներ են եղել։