«Հրապարակ» թերթը գրում է. «Իշխանության կուլիսներում ահագնացող կադրային փոփոխություններից, մեր տեղեկություններով, զերծ չեն մնա նաեւ մարզպետները: Ամենաբարդ վիճակում է հայտնվել դեռեւս 2006-ից Արմավիրի մարզը ղեկավարող Աշոտ Ղահրամանյանը: Նրա պաշտոնանկության մասին լուրերը պարբերաբար հայտնվում են լրատվամիջոցներում, սակայն մարզպետը միշտ հերքում է: Բայց Հայաստանում, ինչպես գիտեք, պաշտոնանկությունները լինում են անակնկալ՝ չինովնիկներն այդ մասին հաճախ տեղեկանում են վերջինը:

Ղահրամանյանի հնարավոր պաշտոնանկության լուրերը պատճառաբանվում են նրանով, որ մարզպետն արդեն հատել է կենսաթոշակային տարիքը՝ 66 տարեկան է: Թեեւ գործատու կառավարությունում աշխատելու համար որեւէ տարիքային սահմանափակում չկա, այնուհանդերձ, 65-ից մինչեւ 70 տարեկան պետք է ամեն տարի երկարաձգեն նրանց պաշտոնավարման ժամկետը:

Նշենք, որ, օրինակ, Էդիկ Բարսեդյանի դեպքում այդ երկարաձգումը կարծես չեղավ, նա Արարատի մարզպետի պաշտոնին հրաժեշտ է տվել 2013թ. հոկտեմբերի 7-ին, 66 տարեկան հասակում, եւ դա պատճառաբանեց տարիքի հանգամանքով: Փաստորեն, Արմավիրի մարզպետն ավելի աշխատունակ է, քան նրա նախկին գործընկերները, կամ էլ արժանի փոխարինող չեն գտել»:

Առավել մանրամասն՝ թերթի այսօրվա համարում