Նիգերիայի կառավարական զորքերը հայտարարել են Գուոզա քաղաքը գրավելու մասին, որը «Բոկո Հարամ» իսլամիստական խմբավորման հենակետն էր:
Զինվորականների տվյալներով, գործողության ընթացքում զինյալները մեծ կորուստներ են կրել: Ենթադրվում է, որ զինյալները հենց այս քաղաքում կարող էին պահել ավելի քան 200 աշակերտուհիներին, որոնց առեւանգել էին անցյալ տարվա ապրիլին:
Ավելի վաղ «Բոկո Հարամ»-ը հյուսիս-արեւելյան Բոռնո նահանգում գտնվող Գուոզա քաղաքը հայտարարել էին իրենց ստեղծած «իսմալական խալիֆայության» կենտրոն: Մարտի սկզբին զինվորականները հաղորդել էին, որ «Բոկո Հարամ»-ի վերահսկողության տակ Նիգերիայի ընդամենը երեք քաղաք է մնացել, այդ թվում՝ Գուոզան:
BBC-ի ռուսական ծառայության փոխանցմամբ, Նիգերիայի նախագահ Գուդլաք Ջոնաթանն ավելի վաղ հայտարարել էր, որ «Բոկո Հարամ»-ը, իր կարծիքով, մինչեւ մարտի կկորցնի իր բոլոր տարածքները: Նիգերիայի հյուսիս-արեւելքում հակամարտությունը 2012 թվականից 15.500 մարդու կյանք է խլել:
